Poderá matricularse calquera persoa maior de dezaoito anos ou que os cumpra antes do 31 de decembro de 2022, e aquelas persoas maiores de dezaseis anos que acrediten documentalmente causas excepcionais (traballo, saúde, deportistas de alto nivel, estudantes de música e danza) que lles impidan asistir a un centro presencial.

• Título de Graduado en Secundaria.
• Título de Técnico correspondente á Formación Profesional específica de grao medio, Técnico Auxiliar de Formación Profesional de Primeiro Grao ou Técnico deportivo, tras cursar as ensinanzas deportivas de grao medio.
• Ter aprobado 2º de BUP ou como máximo dúas materias pendentes no conxunto dos dous cursos.
• Ter superados os estudos do Primeiro ciclo do Programa Experimental de Reforma das Ensinanzas Medias (REM).
• Ter superados os cursos comúns de estudos de Artes Aplicadas e Oficios Artísticos.

• Ter superado 3º de BUP e título de bacharel. Os alumnos/as nestas condicións poden matricularse en calquera modalidade de Bacharelato, independentemente da especialidade pola que cursaran o 3º de BUP.
• Ter superado 1º curso completo do bacharelato LOXSE.
• Ter superado 2º curso de Formación Profesional de 2º grao (réxime xeral), ou 3º curso de Formación Profesional de 2º grao (réxime de ensinanzas especializadas).
• Ter superado 1º curso dunha modalidade de Bacharelato experimental.
• Ter superado a segunda especialidade ou título de Graduado en Artes aplicadas e Oficios Artísticos.

• Alumnado que se matricule por primeira vez en primeiro curso debe cursar todas as asignaturas do curso, é dicir, todas as obrigatorias, dúas de opción é dúas específicas.
• Alumnado que se incorpore ao bacharelato para persoas adultas con materias superadas do bacharelato ordinario, conservará a cualificación positiva destas.
• Alumnado maior de 25 anos, ou que os cumpra no curso escolar 2022-2023, poderá solicitar ante a dirección do centro a exención da materia de Educación física.
• Alumnado que se matriculara noutros centros no curso académico 2022-2023 e aprobara algunha materia por avaliación, para trasladarse ao IES San Clemente deberá aportar ademais coa súa matrícula un boletín de notas e poñelo en coñecemento do profesor correspondente.
• Alumnado que acceda ao bacharelato desde os ciclos formativos de grao medio de Formación Profesional específica ou de Artes aplicadas e Deseño poderá validar as materias de Bacharelato, de acordo co establecido na lexislación vixente.
• O alumnado que se matricule de dúas materias de contidos progresivos, non poderá ser avaliado da de 2º sen ter superada, previamente, a de 1º.
• O alumnado de bacharelato na modalidade de Humanidades e Ciencias Sociais deberá escoller obrigatoriamente "Historia da Filosofía" como materia de opción, excepto cando xa estivera matriculado en 2º nos cursos 2021-22 ou 2022-23 e teña superada unha ou dúas materias de opción.

O prazo ordinario vai dende o 13 de setembro ao 26 de novembro, ambos incluídos.

O prazo extraordinario remata o 29 de abril. Para matricularse neste período, o alumno ou alumna deberá xustificar circunstancias excepcionais e solicitalo por escrito á dirección do IES San Clemente. Esta matrícula soamente poderá facerse de xeito presencial, na secretaría do IES San Clemente de Santiago de Compostela, nas distintas EPAS de A Coruña, Ferrol, Lugo, Ourense, Pontevedra e Vigo, ou no IES Monte Castelo de Burela.

Nota importante: O calendario de exames e titorías estará á disposición dos alumnos e alumnas do IES San Clemente e nos Centros EPA na primeira semana de outubro; tamén será publicado na páxina web https://www.iessanclemente.net, que deberá ser consultada frecuentemente polo alumnado ao longo do curso como medio de comunicación oficial do centro.

• 1º curso: Filosofía, Lingua Castelá e Literatura I, Lingua Galega e Literatura I, Lingua Estranxeira I (Inglés ou Francés), Educación Física
• 2º curso: Historia de España, Lingua Castelá e Literatura II, Lingua Galega e Literatura II, Lingua Estranxeira II (Inglés ou Francés)
• Modalidade de Ciencias e Tecnoloxía: Matemáticas I en 1º curso e Matemáticas II en 2º curso
• Modalidade de Humanidades e Ciencias Sociais, itinerario de Humanidades: Latín I en 1º curso e Latín II en 2º curso
• Modalidade de Humanidades e Ciencias Sociais, itinerario de Ciencias Sociais: Matemáticas Aplicadas I en 1º curso e Matemáticas Aplicadas II en 2º curso

Para titular, o alumno ou alumna tamén deberá superar, ademais das materias anteriores:

• Dúas materias de opción en cada curso
• Dúas materias específicas en cada curso

O alumnado matriculado nestas ensinanzas debe darse de alta na Aula Virtual que hai na páxina web do IES San Clemente, coa finalidade de seguir o proceso de aprendizaxe a través das guías electrónicas e como medio de comunicación co profesorado. Os pasos a seguir son os seguintes:

• Entrar en https://www.iessanclemente.net/
• Pulsar en [Rexistro]
• Poñer o número do DNI coa letra, sen guión e sen espazos, e a data de nacemento co formato dd/mm/aaaa. Por exemplo “28/06/1978”.
• Pulsar aceptar e cumprimentar todos os datos que se solicitan. A clave deberá ter entre 5 e 10 letras.
• A partir de agora poderá entrar na páxina principal poñendo como usuario o número do DNI e como contrasinal a clave que puxo anteriormente (no punto anterior).