Poderá matricularse calquera persoa maior de dezaoito anos ou que os cumpra antes do 31 de decembro de 2024, e aquelas persoas maiores de dezaseis anos que acrediten documentalmente causas excepcionais (traballo, saúde, deportistas de alto nivel, estudantes de música e danza) que lles impidan asistir a un centro presencial.

No caso das persoas que se matriculen no segundo cuadrimestre, deberán cumprir os dezaoito anos no ano no que se matriculen.

Para as persoas que non acrediten estudos que poidan ser obxecto de validación e desexen matricularse na educación básica para persoas adultas por primeira vez, haberá unha valoración inicial das aprendizaxes co obxectivo de adscribilas ao módulo adecuado en cada ámbito de coñecemento.

Para o primeiro cuadrimestre, desde o 2 de setembro de 2024 ata o 17 de xaneiro de 2025.

Para o segundo cuadrimestre, desde o 3 de febreiro ata o 25 de abril de 2025.

Cada nivel consta de 3 ámbitos de coñecemento: comunicación, social e científico-tecnolóxico.

É posible cursar dous niveis nun curso académico: un nivel durante o primeiro cuadrimestre, e o seguinte nivel no segundo cuadrimestre.

O enderezo da aula virtual é https://distancia.iessanclemente.net

Unha vez enviada a matrícula, recibirá na dirección de correo electrónico indicada unha mensaxe co nome de usuario e o contrasinal para entrar na aula virtual.